Cerpen Bahasa Using Banyuwangi, Judul: Pacet Singidan
- Istimewa/ VIVA Banyuwangi
Obat disuntikaken liwat impus. Sing kari suwi, awake Ropik mangkat adhem.
Ropik uga bisa turu angeler. Isuk iki, isun ngucap sukur Alhamdulillah, Ropik uga katon cenger.
Doyan mangan. Radha soren, perawat mara. Ambi nggawa asile periksane dhokter isuk iki.
“Bu, asile periksane dhokter, kerana HB ring awake Ropik sing mudhun. Ropik bisa mulih dina iki.”
Atinisun girang, Ropik wis aron. Bisa mulih dina iki. Taping, isun yo mangmang.
Dhung lara Demam Berdarah biyasahe HB musti mudhun, apuwo kok HBne Ropik sing paran-paran.
Timbang tuwas kesuwen, sun urusi administrasi makene gancang mulih.
Teka umah, Ropik sing kaya lare mari kademan. Iyane umeg kaya biyasahe.
Memengan lan geridhoan ambi kakange. Sing kerasa, banget-bangete memengan montor-montoran ambi kakange.
Getih seger mili maning saka bacote. Awake uga milu panas.
“Mak, apuwo bacote Ropik!”
