Cerpen Bahasa Using Banyuwangi, Judul: Pacet Singidan

“Tik, ana parane ring bacote lare iki Tik. Kelendi njuwute iki.”

Isun sakal melencat deleng bacote Ropik. Sun cothet sing keneng.

Ropik saya nangis keleteran. Yatik kepelayon ring umahe Wak Saleh mantri suntik sebelah umah.

Njaluk tulung meriksa Ropik. Wak Saleh teka banjur ngurupi senter cilik ring bacote Ropik.

Nganggo cepitan cilik, idhing-idhing dilebokaken ring bacote Ropik. Diorot, kaya kewan cemeng dawa metu teko bacote Ropik.

“Astagfirullo, iki pacet Tik ana ring njerone bacot anak iro.”

“Ya Alloh, endhane ulihe ngerekep ring banyu Kali Bendo kapan iko yo.” Sekabehe uwong kang nulih padha jengah.