Cerpen Bahasa Using Banyuwangi, Judul: Lilin Lan Lintang

Cerpen Bahasa Using Banyuwangi, VIVA Banyuwangi –“Puuueeeeeeem.” Abane klakson kapal kegawa silire angin ring segara. Lamat-lamat Kapal gedhe iku meripit ring dermaga Pelabuhan Ketapang.

Baca Juga

Resep Ayam Betutu Bali yang Gurih, Pedas, dan Harum

Wayah wis mangkat surub. Ring cagak Pelabuhan, katon lare lanang cilik lungguh sedhengkul mandhengi tekane kapal kang meripit ring dermaga.

Dikancani kothak cilik hang isi sikat, susut lan semir sepatu.

Baca Juga

Bau Menyengat Limbah SPPG Bajulmati Resahkan Warga Wongsorejo

Ujik, lare cilik kang magih sekolah kelas loro SD iku, wis nanggung abote urip.

Apake pamit menyang Surabaya golet penggawean sakat Ujik magih bayi.

Baca Juga

Best Goal Keeper Nuswantara Cup U12 2026 Disabet Line Up Diklat Persema Malang, Dastant!

Taping seperene sing ana kabare. Kadine, Emake mung bisa buruh umbah-umbah kanggo nguripi anake loro, Ujik lan Kosim.

Kosim anak penggarep. Umure rong taun lebih tuwek teka adhike.

Kosim larene penter lan patheng sekolah. Iyane musti dadi juarane kelas. Taping awake ampis.

Sithik-sithik kadheman. Kosim lan Ujik rukun sak duluran.

Saben dina emake sing waleh marahi dhung sak duluran kudu rukun.

Kekurangane dulur kudu bisa nerima. Sapa-sapa kang kuwat iku kang njunjung.

Dina iki, Kosim melaku sekolah, nganggo sepatu kang suwek. Iyane sing isin kerana yo sing ana maning.

Weruh kahanan kang gedigu, Ujik sing kolu. Iyane dhuweni niatan dhung engko nyemir sepatu ulihe radha akeh, arep dienggo nukokaken sepatu kakange.

Wayah mangkat soren, kaya biyasae sedurunge berangkat nyemir sepatu, Iyane pamit nang emake makene rejeki lancar.

Ambi ngambung tangane emak, Ujik njaluk dunga.

“Mugi duweni rejeki kang akeh yo Mak. Ujik berangkat.” Pamite Ujik.

Emake mung manthuk ambi ngelus endhase anake, ngempet banyu mata makne sing mili.

Kerana umahe Ujik ring Bulusan, iyane melaku idhing-idhing menyang Pelabuhan Ketapang.

Gadhuk Pelabuhan, Ujik mara nang akehe uwong kang lungguh ring kursi tunggu.

Nawak-nawakaken jasa semir sepatu. Rasa sungkan lan isin kebuwang.

Iyane wis tatag ambi penggawean iku. Sak akehe uwong kang ana.

Mung siji kang gelem sepatune disemir. Ujik sing ngersula, iyane ngucap sukur ring pengeran kerana wis duweni rejeki masiyo mung sithik.

Halaman Selanjutnya

Ambi nganteni penumpang teka. Ring kulon katon uwong nganggo sepatu pantopel lungguh ring kursi tunggu.