Cerpen Bahasa Using Banyuwangi, Judul: Man Bandik Cemeng

Cerpen Bahasa Using, VIVA Banyuwangi –Umure saiki wis emeh suwidak taun. Naming wong lanang hang ring kampunge diceluk Man Bandik cemeng iku magih katon seger. Kadhung uwong hang sing tau kenal, pungkasane ngira Man Bandik magih umur 45 taun.

Baca Juga

Resep Ayam Betutu Bali yang Gurih, Pedas, dan Harum

Merga awake magih keker, melakune magih sagah, untune magih wutuh, matane uga magih tangar.           

Iyane mung urip dhewekan ring umah gedheg cilik pinggir pesisir.

Baca Juga

Bau Menyengat Limbah SPPG Bajulmati Resahkan Warga Wongsorejo

Sedina-dina iyane mbukak warung kopi ambi gorengan kanggo nyiyapi uwong-uwong hang arep budhal nggolet iwak ring segara. Saben-saben uwong hang arep budhal golet iwak, mesthi sangu gorengan ambi kopine Man Bandik.  

“Man gorengane Man rongpuluh ewu. Ambi kopine sak teremos,” jare Kang Munip ambi nyepak-nyepakaken pancinge.

Baca Juga

Best Goal Keeper Nuswantara Cup U12 2026 Disabet Line Up Diklat Persema Malang, Dastant!

“Budhal ambi sapa sira Nip?” Man Bandik takon ambi ngudheg wedang kopi pesenane Kang Munip.

“Mung keloron Man, ambi Ja’i. Karepe ketelon ambi Mardi.

Sing weruha iki mau sun susul, Mardi kadheman,” jare Kang Munip.

Ambi ngelungaken pesenane Kang Munip, Man Bandik pesen kadhung ulih iwak Kerapu, arep dituku.

Pirang-pirang dina iki iyane kepingin mangan Kerapu. Wis pesen nong uwong-uwong hang budhal mancing sing tau ana.            

“Pirang-pirang dina iki mula sepi iwak Man. Engko kadhung ulih Kerapu hung gaw nong warung rika,” janjinya Munip.                  

Bengen magih enome, Man Bandik diwedeni uwong. Iyane kesuwur pereman pasar hang ilmu kanuragane sing ana hang bisa nandhingi. Jare ceritane wong-wong, iyane duwe ilmu kebel.

Sing mempan dibacuk. Saben tukar ambi preman liyane, Man Bandik sing tau asor.

Taping Man Bandik sing tau mulasara musuhe.

Kadhang musuhe malahan ditulung. Pungkasane akeh musuh-musuhe hang wis dikalahaken sakteruse malah dadi muride.

Saiki iku mung dadi cerita lawas hang mula arep dilalekaken ambi Man Bandik.

Iyane kepingin dadi wong biyasah hang sing diwedeni uwong.

Mangkane sakat umur seket taun, Man Bandik metu teka pasar lan leren dadi pereman.

Teka pasar kutha, iyane nyisih ring pinggir pesisir mbukak warung kopi lan gorengan geningena sing ana hang kenal sapa setemene iyane.

Halaman Selanjutnya

Iyane kepingin urip setuhune. Sing kepingin tukar-tukar kaya bengen maning Man Bandik bengen tau duwe rabi arane Bik Sapiyah.