Cerpen Bahasa Using Banyuwangi, Judul: Belabur

Banyu saya suwi saya munggah. Mbok Saniyah bingung kerana nang umah dhewekan.

Lakine magih megawe nyithak bata. Adoh saka umahe.

Mbok Jum lan kang Saleh lakine gupuh ngabani Mbok Saniyah makene ngetokaken barang-barang kang ana ring jero umahe.

Kerana dideleng banyu wis mangkat munggah.

Dhung dideleng lakune, banyu belabur iku nggerus lemah buri umahe mbok Saniyah.

Kadine umah iku musti kegowo banyu belabur.

“Ayo kang, cepet dijunjung mesin jahit iki. Tembok buri iki kaya arep rontog.” Ucape mbok Jum ambi nggotong mesin jahit keloron ambi kang lanang.