Cerpen Bahasa Using Banyuwangi, Judul: Masinis Cilik
- Anton Heri Laksana/ VIVA Banyuwangi
Mardi terus mikir lan mata walangen ambi ndeleng ril ring ngarepe pos pangklang. Embuh kerana paran, ujug-ujug iyane nyagahi paran hang dijaluk apake. “Iya wis Pak, mangkat engkisuk isun sekolah maning. Taping isun sing dilereni kan ambi Bu Guru ring sekolah. Isun wis pirang-pirang ulan sing tau melebu. Isun janji nong Apak, arep patheng sinau, geningena bisa dadi masinis kaya hang muko. Isun arep nukokaken apak montor, geningena sing sepidhahan terus. Geningena sing keneng udan,” jare Mardi teges.
“Ya gedigu arane anake Apak. Acake sakat bengen sira patheng sekolah, saiki sira wis pinter kaya kancan-kancanira. Mangkane kadhung wis janji sing ulih sulaya maning,” jare Man Samsul ambi ngajak Mardi mulih. “Engkisuk mulih sekolah ndeleng sepur maning ambi apak.”
