Cerpen Bahasa Using Banyuwangi, Judul: Kanca Parek

“Muga-muga bain Mbok, kancanrika gancang aron,” jare Kang Saparik.            

Banget-bangete Mbok Paini jagongan ambi Kang Saparik ring sepur, ujug-ujug kerungu suwarane hp ne muni. Mbok Paini sakkal njuwut hp ne hang ana ring njero etase. Hp diuripaken lan dideleng ana wa teka nomer hang aran Mbok Ririn. Sakala iku atine Mbok Paini kemesut.

“Ana kabar paran iki?” jare Mbok Paini ring njero ati. Ambi rada gemeter, Mbok Paini mbuka wa hang teka Mbok Ririn. Dhonge wa wis kebuka, Mbok Paini njerit seketane.            

“Innalilahi wa innalillahi rajiun. Isun arep merono Rin, apuwa sira ninggal isun,” jare Mbok Paini ambi nangis.

Kang Saparik hang wis emeh turu kesirep, sakkal jenggirat kaget. “Apuwa Mbok?” takone ambi ngucek-ngucek matane.              

Mbok Paini magih terus nangis, sing bisa njawab pitakone Kang Saparik. Iyane mung ngelungaken hp ne hang magih mbukak wa teka nomere Mbok Ririn. Temakaken wa iku teka anake Mbok Ririn hang aran Dewi. Anake Mbok Ririn ngabaraken dhung emake wis sing ana umur. Matine ring rumah sakit.

“Innalillahi wa innalillahi rajiun,” jare Kang Saparik.  

Halaman Selanjutnya

Marek gedigu, hp iku muni maning. Tetep teka nomere Mbok Ririn. Isine fotone Mbok Ririn hang wis sing ana umur. Magih ring pelancane rumah sakit.