Cerpen Bahasa Using Banyuwangi, Judul: Anak Kemunjilan

Gadis desa sedang beraktifitas
Sumber :
  • Istimewa/ VIVA Banyuwangi

Bik Siti puput-puput kayu hang ana ring mburi umah arep dienggo olah-olah ring bengahan.            

img_title 2 Petugas Gadungan PLN UP3 Banyuwangi Peras Warga Desa Bengkak Rp4,6 Juta

“Dik, iku bengahane wis marek. Rika wis ulih kayu ta?” takone Man Usik nong rabine.            

“Wis Kang, iki mau isun puput-puput ring mburi umah ana kayu-kayu lan jajang-jajang bekas mbangun umah iki bengen. Sak wetara iki kenang dienggo olah-olah dina iki. Engkisuk ya kudu tuku kayu ring toko sebelah,” jare Bik Siti.

img_title Siaga Satu! Polsek Wongsorejo Pantau Ketat Informasi Rencana Pembuangan Limbah Batu Bara

Kira-kira jam setengah pitu, Rodiyah tangi lan arep adus. Iyane ndeleng emake ring pawon, wis olah-olah tas durung.

Temakaken ring pawon katon bersih. Kompor gs ya magih durung diurupaken. Pungkasane Rodiyah celuk-celuk emake.            

img_title Melaju ke Bogor! Pesat Tegalsari Siap Taklukkan Seri Nasional IGC 2026

“Mak ... mak ... rika nong endi?” Rodiyah celuk-celuk teko pawon.            

Bik Siti hang kerungu kadhung iyane diceluk Rodiyah sakkal semaur, “isun nang kena Yah. Isun olah-olah dienggo sarapan isuk iki,” jarene.            

Rodiyah rada bingung. Emake olah-olah, taping ring pawon kok sing ana sapa-sapa. Endahne olah-olah ring endi. “Rika olah-olah ring endi Mak?” Rodiyah takon.            

“Iki ring njaba. Ring bengahan hang buru bain digawekaken apakhira,” jare Bik Siti.

“Masa allah Mak, kok rika olah-olah ring bengahan. Kan ring pawon wis hun cukupi ambi kompor gas. Terus enggo paran kompor gas iku Mak?” jare Rodiyah.

“Isun sing wani olah-olah nganggo kompor gas. Wedi meledhos kaya nag tipi-tipi iku kok,” jarene.  

Kerungu pengakuwane emake hang kaya gedigu, Rodiyah mesem. Iyane maklum dhung emake wedi olah-olah nganggo kompor gas.

Jalaran sak lawase urip, emake sing tau olah-olah ring kompor gas. Paran maning ring berita tipi-tipi akeh kompor gas hang meledhos.          

Tungku memasak tradisional

Photo :
  • Istimewa/ VIVA Banyuwangi

  

“Mak, kadhung nganggone bener, kompor gas iku ya sing meledhos Mak. Engko ta hun ajari nganggone geningena sing olah-olah ring bengahan. Maning dideleng tangga teparo kelendi, umah apik-apik ring sisihe garasi ana bengahane,” jare Rodiyah.