Cerpen Bahasa Using Banyuwangi: Layangan Pedhot

Solihin melesat kira-kira rong meter lan endhase ngantem pinggirane trotoar. Pungkasane endhase bucur. Getih deleweran ring endhase. Solihin katon melungker ring aspalan semaput.

Baca Juga

Resep Ayam Betutu Bali yang Gurih, Pedas, dan Harum

Hang nunggang sepidhah montor keseret sepidhahe sampek kira-kira limang meter. Sikil ambi tangan tengene babras. Untung bain nganggo helem, kadhung using, embuh kelendi hang aran endhas iku. Ndeleng heleme babras ring sisih tengene.

Mari nabrak, lare enom hang nunggang sepidhah katon metenggengen. Iyane mung bisa lungguh ring aspalan. Arep ngadeg sing bisa. Aran sepidhah magih nggelethak ring sisihe. Sepion wis sing ana, tugel. Thothok ngarep pecah sak kaca lampu ngarepe. Wangune kebanting ring aspalan sakdurunge nyeret hang nunggang.

Baca Juga

Ketua IKA Untag Banyuwangi Dinobatkan Sebagai Keluarga Kehormatan Masyarakat Adat Mandar

“Anake Man Jalik ketabrak sepidhah montor! Iku larene hang nabrak!” jare Man Sukir hang dodolan ring pingir dalan.

Kerungu Man Sukir berak-berak dhung anake Man Jalik ketabrak sepidhah montor, sakkal uwong-uwong metu teka umahe dhewek-dhewek. Kabeh padha arep nyeret hang nabrak. Untung bain Pak Rt metu lan ngamanaken lare hang nabrak.

Baca Juga

Entas-Entas Upacara Kematian Suku Tengger, Ritual Sakral Untuk Jiwa Yang Telah Pergi

“Sulung ... sulung ta, aja nggawe sak karepe dhewek. Kabeh iku ana ukume, sing ulih sak enake dhewek ngakimi uwong. Ditakoni sulung kelendi ceritane iki,” jare Pak Rt ambi nulung lare hang nunggang sepidhah ngadeg.

Man Sukir hang weruh kedadeyane cerita gog Solihin ambi Rosid iku mula melayu nyeberang dalan sing tulah-tulih. Sing weruho teka elor ana sepidhah montor.

“Sepidhah montor iku mula wis ngerim, naming sing nutut, pungkasane ngantem Solihin hang ana ring ngarep dhewek,” jare Man Sukir.

Man Jalik hang kerungu dhung anake ketabrak sepidhah montor, sakkal njenggirat melayu nong lurung. Man Jalik ambi methentheng nggoleti sapa hang nabrak anake.

“Endi hang nabrak anakisun!” jare Man Jalik.

“Engko bain diurus sapa hang nabrak. Anak rika urusen sulung, gawanen nong rumah sakit geningena bisa cepet ditulung. Perkara hang nabrak, isun hang ngurus. Larene ya uga

kudu digawa nong rumah sakit, jalaran iyane ya babras bundhas tangan lan sikile,” jare Pak Rt ambi ngedhem-ngedhem atine Man Jalik.

Halaman Selanjutnya

Pungkasane Solihin ambi hang nabrak diemot pikepe Man Saleh hang biyasah dienggo momot pasir. Keloron digawa nong rumah sakit geningena cepet ditulung. Sak uwise lare hang nabrak diobati, Man Jalik diceluk ambi Pak Rt digathukaken ambi hang nabrak.