Cerpen Bahasa Using Banyuwangi, Judul: Man Bandik Cemeng
- Istimewa/ VIVA Banyuwangi
“Sulung...sulung mandego sulung. Aja diterusaken,” jare wong lanang hang nganggo topi lan tasemak cemeng iku.
Pas parek nong panggone wong-wong padu iku, uwong hang nganggo topi iku marek nong Man Bandik.
“Man, sepurane anak buah isun sing weruh nong rika,” jare ambi salaman nong Man Bandik.
Wong-wong hang ana ring kana padha kelunjuk.
Kabeh padha bingung kok Man Bandik bisa dikenal ambi uwong iku.
Pungkasane uwong-uwong hang nagih muko mulih bareng ambi uwong hang nganggo topi.
Kerana Munip ambi Ja’i magih bingung, pungkasane Man Bandik cerita kadhung uwong hang nganggo topi iku bekas muride bengen pas iyane magih dadi pereman pasar.
“Taping njaluk tulung, aja sampek cerita iki nyebar ring wong-wong kene. Isun kepingin uwong-uwong sing weruh dhung isun bekas pereman pasar. Isun kepingin urip setuhune kaya sira-sira kabeh,” jare Man Bandik.
