Cerpen Bahasa Using Banyuwangi, Judul: Kepilu
Rabu, 24 Juli 2024 - 11:00 WIB
Sumber :
- Istimewa/ VIVA Banyuwangi
Isun dikagetaken suara kang nyeluk teka kadohan.
Baca Juga :
Semarak HUT ke-23 Partai Demokrat Banyuwangi: Penuh Kebersamaan, Dukungan Solid untuk Ipuk-Mujiono
Kaya tau rungu suarane sapa. Taping kaya wis lawas suara iki sing ana muni.
Sun tamat-tamataken kalingana kang Ali. “Nur.”
Baca Juga :
Lanal Banyuwangi Kawal Ketat Material dan Alutsista US Army Pasca Latgabma Super Garuda Shield 2024
“Kang Ali, lawas sing tau ketemu. Buru mulih ta Kang?”
“Iya Nur, buru mulih isuk mauka. Nur isun duwe oleh-oleh kanggo iro.” Ambi ngelungaken gelang monte manika werno. “Kari repot-repot rika Kang.”
Baca Juga :
Pengeringan DI Bajulmati Akibatkan Pasokan Air di 3 Desa Terhenti, PSDA: Sudah Disosialisasikan
“Gelang iki, padha dene ambi atinisun nang sira. Manika werno, rasane welas kang sun sidhem. Isun dhemen nang sira Nur.” Kemesut rasane ati. Rungu omonge kang Ali kang wis suwi sun anteni. Taping, saikine isun wis duwene wong liya. Sing mungkin sun wurungaken. “Sepurane kang, isun wis duwe bakalan.” Ambi lambe dheredhek isun ngetokaken omong.
